أميرة طيبة الارواح

شعر مميز جدا ..............................



عــــديــــــل الــروح لـه روحـي تحن وتلفظ الراحه

تبوح حروفي اللهفة لروحه والهوى فضاح

تحينت اللقاء علة كثيري بضع يجتاحه

لقيت من الصدود اللي كسر من نيتي الإفصاح

وش اللي في يدي من لوعتي أوجدت أشباحه

أقنعـــها بــوهــم أتصـــنعه يـا ليتها ترتاح

ضنتني عشقته يا جعل ما هو باحي باحه

ولنت وكنت أنا الجلد الغليظ العاسف البطاح

فديت الآية اللي يختبي الإعجاز بوشاحه

شبيه أمنا حواء أميرة طيبة الأرواح

أنوثة بنت شامية وطبية قلب فلاحه

غنوجة بنت بيروت وفصاحة شعر بن قرقاح

يغير عطرها لا من لمس اردانها فاحه

عبق انسامها يبعث بداخل عطرها أرواح

لها صوتّ يضيع حسبتي حتى في صياحه

كأنه من مزامير النبي داود وان هو صاح

أبوصف حسنها شفتوا فقيداّ كلهم ناحه

خرج يوم الجهاد شيوخنا في نصرته نصاح

بعد شهرين غاب وغابت أخباره عن الساحه

تلاشى كل شي عنه كأنه في بشاور ساح

جثم واستأصل اليأس الأمل في سهن مرواحه

تأصل في فواد أمه وأبوه أن الولد قد راح

بعد عشرين عام يصيح بأقصى الحي صياحه

ولدكم يا بني سالم رجع كنه من الأشباح

تروها أجمل من الفرحة بخفاق نواحه

وأحلى من شعور أمه وهو في حضنها يا صاح

وش أوصف لا القمر أدى الغرض في وصف أصباحه

ولا حتى ظلام الليل يوصف من حجبه وشاح

ولا عنق ألمها والشهد واللؤلؤ وتفاحه

ولا حد السيوف ولا حمار الورد في إيضاح

فريدة نادرة تحفه فهايه ذابت بساحه

رثيت لهاجسي يومه دخل في بحرها سباح

غرق كنه ولد صحراء ولا قد جرب أسباحه

وهو أستاذها اللي يقطع الهادي ولا يرتاح

ذبل كل الكلام وكني استعجمت إفصاحه

تمنيته يصير بموقفي من باده الطماح

أظنه صاحب الشعر الفضائي يفقد سلاحه

وينسى ثارة وملكه يدور وين هو الإفصاح

وشكرا لكم للاتصال بي على : haker-the@hotmail.com